Манай талбайн инженерүүд маш олон ажил хариуцан ажилладаг. Тэрээр архитекторын зурсан орон зайн санааг барилгын зургаас хараад төсвийг хамгийн үр дүнтэй гарган, гүйцэтгэл хариуцсан ажилтнуудад үр ашигтай ажиллах нөхцөлийг бүрдүүлж, ажлын дарааллыг зохион байгуулж, барилга баригдах ажилд оролцож буй хүмүүсийг нэгтгэн удирддаг. Талбайн өнцөг булан бүрт анхаарал тавьж, өргөн мэдлэг, олон талын ур чадвартай байх шаардлагатайгаас гадна, ажлын таатай орчныг бүрдүүлэхийн тулд харилцааны өндөр чадвартай байдаг. Талбайн инженер бол архитекторын санааг бодит бүтээн байгуулалт болгон хувиргагч, олон хүний хүч хөдөлмөрийг уялдуулан нэгтгэгч, манай компанийн ажлын хамгийн чухал зүрх болсон хөдөлгөгч хүч юм.

Сайн ажиллах орчны үндэс нь харилцаа юм. “Би ирлээ~”, “Сайн ирэв үү~”, “Биеэ бодоорой~” гэх мэт энгийн дотно үг нь сэтгэл сэргээж, урам өгдөг. Мөн офисын эмэгтэй ажилчдын маань халуун дотно инээмсэглэсэн харилцаа ч үүнд чухал үүрэгтэй. Жил бүр уламжлал болон зохион байгуулагддаг будаа нүдэж мочи хийх, мах шарж идэх, спортын арга хэмжээ зэрэг үйл ажиллагаанд гэр бүл, найз нөхөд, туслан гүйцэтгэх компанийн ажилчдыг оролцуулж, компанийн соёлоо түгээдэг. Бид компанийнхаа энэ соёлоор дамжуулан нутаг орчныхондоо ажлаа танилцуулж, илүү ойртуулахыг зорьдог. Тиймээс ажлын байрны дадлага, сурагчдад ажлаа танилцуулах сургалт зохиох, хөгжлийн бэрхшээлтэй иргэдийн байгууллагад ажлын санал явуулах зэрэг үйл ажиллагааг идэвхтэй явуулж байна.

Манай компаний барилгын ажил туршлагатай талбайн инженерүүд болон өндөр ур чадвар, мэдрэмжтэй туслан гүйцэтгэх мэргэжилтнүүдийн хамтын ажиллагаанаас төрдөг. Энэ хоёрын аль нэгэнгүйгээр сайн барилга баригдах боломжгүй. Бид “Кёоэйкай барилга угсралтын хамтын нийгэмлэг” байгуулж, хамтран ажиллагч компани, туслан гүйцэтгэх мэргэжилтнүүдтэй нөхөрсөг харилцаагаа хөгжүүлсээр ирсэн. Мөн жил бүр ур технологи, аюулгүй байдал, эрүүл ахуйг өндөржүүлэх зорилготойгоор барилгын ослоос урьдчилан сэргийлэх сургалт, хурал зохион байгуулан ирээдүйн хамтын төлөвлөгөөгөө хэлэлцдэг. Түүгээр зогсохгүй нөхөрсөг аялал, шинэ жилийн цэнгүүн зэрэг хөтөлбөр зохион байгуулан албан болон хувийн шугамаар барилга, бүтээн байгуулалтын талаар санал бодлоо хуваалцдаг.

Барилгын талбайг эргэж очих

Эйко Кэнсэцү компанид сар бүр захирал болон ахлагч нар “талбайн үзлэг” хийж, бүх барилгын явцыг шалгадаг. Хэрэв асуудал гарвал даруй засах арга хэмжээ авдаг. Энэ ажлын гол зорилго нь талбайн инженерүүд болон хамтран ажиллагч, мэргэжлийн гүйцэтгэгчдийн харилцааг хөгжүүлэх зорилготой юм. Энэ нь талбайд ажиллаж байгаа инженерүүдийг үнэлэн, тэдний ажиллах арга барил, ур чадварын өсөлтйг шууд харах боломж болдог.. Талбайн үзлэгт хэн ч оролцох боломжтой. Ингэснээр бусад инженерүүдийн ажлыг харж суралцах боломжтой.